Goleki Sisik Melik Provokator Menjelang Pelantikan Bupati
Geger negara Tawangsari kampung Genengrejo............
Pedagang koran dibuat laris manis sebab bendara kraton diisyukan macem-macem,ana ini dan itu.Warung-warung kopi lelet uga pada ndongeng sing ora ana juntrunge.
Malah beritane artis sing mirip Luna Maya karo Ariel sing ana njero video kalah tuntas,apa maneh crita bal-balan wis ora muni.
Mad Sumbing sing biasane ora tau ngopi nang warunge yu Limbuk yo melu ndoprok karo manggut-manggut ngrungoake kabar sing tambah-tambahi.
Malah udute Mad Sumbing sing arep entek terus disesep senajan metune kukuse ana irung lan lambene sing guwing mung katon untune mrongos.
Kang Gareng karo Petruk minangka abdi dalem sing ana padukuhan,lungguh tenang karo mripate plirak-plirik sopo sing crita kok nambah-nambahi kahanan kang durung mesti.
Wingi-wingi geger soal Pemandu Karoke(PK) sing ora kumanan kafe amarga bubar didemo lan njaluk supaya wektu 30 dina kafe ditup kabeh,njur saiki pada ngrasani bendharane.
"Arep ngopi apa arep crita kang Gareng?"pitakone Yu Limbuk karo tangane goreng tape rondho royal
"Yo aku gawekke kopi ning ora susah diwenehi gulo,kang Petruk iki wae sing diwenehi gulo,sebab aku isih mumet mikirna bendharaku sing isih ketiban sampur.
Mak Cangik sing nembe Sholat Isya melu semaur....
"Ora susah dipikir kang...bendhara awake dewe kuwi wis wareg kena isyu lan sak piturute,siji ora mandi,digawe siji maneh,ora mandi gawe isyu maneh..laaahhh...wis biasa ojo digawe ngemosi..ehhh..emosi..mundak cepet tuwo,"kandhane mak Cangik.
"Ora mumet pie....iki dina kan menjelang pelantikan bupati,program sing wis ditata apaik...malah dadin lesu maneh...sopo to sing dadi provokator iki..????"takone kang Gareng karo rada nesu setitik.
"Ana une-unen...sopo wonge sing nandur angin...bakale arep ngunduh badai...kuwi wae sing mok cekel kang,"jare Cangik.
Gareng,Petruk meneng sak wetawis...wong-wong sing ana warung uga pada meneng kaya ana tengahing kuburan.
"Sopo wonge sing ora kesel,aku ditakoni wong pirang-pirang,takone ana sing melalui SMS,telepon lan sak liya-liyane,jawabe aku yo bingung to yu.."cocote Gareng karo muncis-muncis.
Limbuk sing dadi pendukunge Bendhara kraton melu semaur....
"Mugo-mugo sing gawe isyu diwenehi dalan padang...lan mugo-mugo wonge ganteng biar aku iso kencan lan tak empek bojo,"semaure Limbuk karo ngunjukake kotange sing mampu apek amarga sering keno angus pawon.
Romo Semar kledreng-kledreng mudun saka numpak becak sajake ana kabar apik saka pendopo.
"Pripun kabare Mo...??"takone Petruk
"Wis ora usah sumelang,Sang Bendhara wis tak temoni,ora usah dipikir,kuwi mung trik lawan politik wae,ora ana apa-apa.Sakiki sing perlu awake dewe pada makaryo sing bener,njunjung lan mikul duwur apa sing dadi harapane rakyat.Wis biasa ora biyen ora sak iki,yen arep coblosan lan pelantikan bupati akeh cobane.Mula awake dewe iki ojo kebakaran jenggot disik,pihak lawan politik malah seneng yen awak-awak dewe iki pada umyek,"pituture Romo Semar karo ngelus-ngelus sirahe Gareng sing rada panas.
"Bendhara pesen...rakyat kudu bersatu,jangan membuat gerah situasi yang sudah kondusif,menang ora umuk,sing kalah yo ojo ngamuk.Kowe bocah enom-enom goleki sisik melik..cegah provokator menjelang pelantikan bupati,bantu pak Polisi supaya negarane aman le..!!!"printahe Romo Semar
"Mo...kulo mbeto PK Kafe angsal napa mboten kalih nyegah-nyegah lek-lekan,"saute Mad Sumbing.
"Raimu kuwi ora rata,lha..kok neko.neko...ngilo sik kono...duwik wae ora gablek kok model-model PK endi sing arep karo kowe mbing",areng nyauri karo merem-merem.
"Ndasmu krewak......"saute Mad Sumbing karo kukur-kukur sirah
Wong sing ana warunge yu Limbuk pada ngguyu ger-gerannnnnnnn...............
