Kedanan PK (Dudu Penghancur Keluarga)
Yu Limbuk nembe tangi turu,soale mau mbengi nonton sepak bola paiala dunia.Dasare Yu Limbuk prawan kencling sing durung nate diambus wong lanang,yo tenang wae olehe turu.
Ora nate ngurusi sangune bocah sekolah,tuku srapan opamaneh buwoh neng tangga teparo,wis pokoke anak prawane simbok Cangik iki merdeka.
Gaweane yen awan setitik yo mung dodol wedang kopi lelet dudu dodol cocot,uga dodol goreng-gorengan.
Mbok Cangik dina iku rada mesem sethithik,amarga ana kabar sing enak dirungoake kuping,Pemandu Karaoke (PK) sing ana kutho arep dibubarna.Wingi malah ana sing demo njaluk supaya tempat-tempat karaoke ditutup.
Jan lega tenan pikiran simake Limbuk iki.
"Wah kok mosam-mesem wae tuk mbok Cangik,ana apa gerangan..."pitakone kang Gareng karo arep utang rokok mbako.
"Iki lho kang,PK-PK sing ana kutho harene arep dilereni,aku melu seneng,sebab bojoku wis pirang pirangdina ora muleh nang umah,duwit yo mesti ora gawa,apa maneh BPKB sepeda ontel wae yo dicekelno uwong,kuwi rak yo arep mateni keluarga to kang.Kupingku uga krungu yen Kamad Sumbing,bojoku,kuwi duwe demenan cewek Pemandu Karaoke.Lhak yo modar aku kang,"jawabe Cangik.
Limbuk sing nembe wae ngunjukna udet banjur melu urun omong karo cocote mewer-mewer.
"Kang Gareng PK iku bocahe ayu-ayu tah ora,enom tah ora.apa cah wedok arep didol murahan,arep menghancurkan keluarga.PK kuwi kan singkatan Pemandu Karaoke,dudu Penghancur Keluarga to kang...??"cocote limbut terus nrocos,dasare durung sikatan yo ambune breng-brengan.
"Simak kuwi yo ra gateno bapak,yen bapak njaluk "jaran-jaranan"yo diwenehi ojo sok jual mahal,ojo alasan kesel lak sak piturute.Saiki kedadeyan yen bapak duwe demenan PK....suu......"limbuk rodo nesu karo muni kewan sikil papat.
"Raimu ojo waton njeplak ilate to nduk..simak yo mesti nglayani bapakmu,senajan lambene sumbing,nanging senengane ngubling.Wis pirang-pirang gaya resep soko bojone kang Petruk yo tak cak no,nana model gaya selimut salju,kethek menek,papah gedang,tambal sulam kamar mandi lan sak piiturute, ning dasare bapakmu kuwi tuk mis (batuk klimis) yo mesti mbedal ngarti cewek PK sing wudele katon,bokonge semok,cocote diwenei lipen men abang.Yen simbok mung nginang ra kuwat tuku lipstik,"mbok Cangik uga rada ngamuk.
Kang Gareng mung ndomblong,anak-simak pada tukaran soal PK.
"Wah yen ngono PK kudu diberantas,ning sing ayu yo arep tak pek bojo...he.hee..heee"Gareng kandha karo ngguyu ngakak.
"Oalaaaaahhhhh.....wong lanang jebule yo pada wae...wedokan ning umah siji kok yo tetep kurang yo...awas tak kandhake bojomu kowe kang,"Limbuk melu ngancam kang Gareng.
"Ra urus sing pentinh hepiiiiiiiiii....."..........
